పేజీ సంఖ్య - 72
పొదుపు అవసరం
‘‘సార్‌, మన సినిమాలో బిచ్చగత్తె పాత్రకి సాదాసీదా మొహం గల అమ్మాయి కావాలి’’ చెప్పాడు డైరెక్టరు.
‘‘ఇప్పటికే బడ్జెట్‌ ఎక్కువై ఏడుస్తుంటే మరొకర్ని ఎక్కడ్నుంచి తెచ్చేదయ్యా? మన హీరోయిన్నే మేకప్‌ లేకుండా చూపించు చాలు’’ చిరాగ్గా సలహా ఇచ్చాడు నిర్మాత భజగోవిందం.
ఒకరికి ఖేదం - ఒకరికి మోదం
‘‘ఆ పుస్తకం ప్రచురించడానికి నా ఆస్తంతా అమ్ముకోవలసి వచ్చింది’’ బాధగా బదులిచ్చాడు రచయిత రాజలింగం.
బాల వాది
‘‘అన్యాయం, అక్రమం ... రేపట్నించి స్కూల్‌కి వెళ్లనంతే’’ .
‘‘ఏం జరిగిందిరా?’’ కంగారుగా అడిగింది ఆదిలక్ష్మి.
‘‘మా టీచర్‌ పుస్తకం చూసి మాకు పాఠం చెప్పొచ్చట గానీ, మేం మాత్రం పుస్తకం చూడకుండా పాఠం అప్పజెప్పాలట’’ ఎగిరిపడ్డాడు ఆరేళ్ల చింటూ.
పీనాసి మొగుడు
పెళ్లయిన పదేళ్ల తర్వాత పిచ్చయ్య భార్యతో షికారుకు వెళ్లాడు. దారిలో ఒక మిఠాయి కొట్టు దగ్గర ఆగి ‘‘ఏమోయ్‌ ... మరో స్వీట్‌ తింటావా?’’ జేబులోంచి పర్స్‌ తీస్తూ డాబుగా అడిగాడు.
‘‘మరోటా ... ?’’ ఆశ్చర్యపోయింది అలివేలు.
‘‘అప్పుడే మర్చిపోతే ఎట్టా? మన పెళ్లయిన కొత్తలో ఇదే షాపులో నీకు మైసూరుపాక్‌ కొనిచ్చా’’ గుర్తు చేశాడు పిచ్చయ్య.
తిక్క శంకరయ్య
‘ఇచ్చట పెళ్లికి కావలసిన అన్ని రకాల సరుకులు అమ్మబడును’
ఆ బోర్డు చూసిన శంకరయ్య కొట్టుముందు ఆగి, యజమానితో ‘‘నాలుగు రకాల పెళ్లికూతుళ్లని చూపండి .. నచ్చితే ఒకటి కొంటాను’’ అడిగాడు అమాయకంగా.
వాడనివ్వరసలు
‘‘అదేమిటే ... మీ ఆయన నీ కూడా ఉండి మాటిమాటికి నీ నెత్తిపై నీళ్లు చల్లుతున్నాడు?’’ ఆశ్చర్యపోయింది స్నేహితురాలు రాధిక.
‘‘ నా నెత్తిన కాదు, నా తల్లోని పూలమీద .. పూలకొట్లో పనిచేస్తారులే’’ తాపీగా బదులిచ్చింది మోహిని.
చిత్తభ్రాంతి
‘‘పెళ్లయ్యాక నీ లైఫ్‌లో వచ్చిన మార్పేమిటోయ్‌?’’ అడిగాడు ఆనందరావు.
‘‘పెళ్లికి ముందు మా ఆవిడ ఒక్కతే అప్సరసలా కనిపించేది. పెళ్లయ్యాక మా ఆవిడ తప్పించి తతిమ్మా వాళ్లంతా అప్సరసల్లా కనిపిస్తున్నారు’’ వాపోయాడు భాస్కర్రావు.
బుద్ధి మారలేదు
‘‘ఈ డాక్టరు ఇంతకుముందు హోటలు నడిపినట్టున్నాడ్రా?’’ కసిగా అన్నాడు వెంకట్రావు.
‘‘ఎలా చెప్పగలిగావు?’’ ఆసక్తిగా అడిగాడు అప్పారావు.
‘‘ఇంజక్షన్‌ చేయించుకున్నాక డబ్బుల్లేవన్నానని ఆస్పత్రి బెడ్‌ షీట్లన్నీ నాతో ఉతికించాడు’’ బావురుమన్నాడు వెంకట్రావు.
నిద్దరకు పనికొచ్చిన కథ
‘‘రాత్రి పూట ఆ నిర్మాత ఇంటికి వెళ్లి కథ చెప్పడం తప్పయిపోయిందిరా’’ చెప్పాడు రచయిత రామారావు.
‘‘ఏమన్నాడు ... కథ నచ్చలేదన్నాడా?’’ అడిగాడు సుబ్బారావు.
‘‘నీవు కథ చెబుతుంటే జోలపాడినట్టుంది. ప్రతి రోజూ వచ్చి నాకు నిద్దరొచ్చేదాకా చెబుతూ ఉండని అన్నాడ్రా’’ బావురుమన్నాడు రామారావు.
నేటి ప్రేమ
‘‘ఎలాగూ పెళ్లి చేసుకోబోతున్నాం కదా ... ఈలోగా ప్రేమికుల రోజు జరుపుకోవాలా రాజూ?’’ సందేహంగా అడిగింది రాణి.
‘‘పెళ్లిరోజు వరకు కలిసుంటామంటావా’’ ఠపీమని బదులిచ్చాడు రాజు.
డూప్‌ లేక నేను లేను
‘‘శోభనం రోజే మీ ఆవిడ మిమ్మల్ని చెప్పుతో కొట్టడానికి కారణం?’’ అడిగాడు విలేకరి.
‘‘నాది మొదట్నించి రిస్క్‌ తీసుకునే మనస్తత్వం కాదు. ఎందుకైనా మంచిదని ముందుగా శోభనం గదిలోకి నా డూప్‌ని పంపాను’’ తాపీగా బదులిచ్చాడు సినిమా హీరో.
‘యాడే’ అసలు కారణం
‘‘మన టూ వీలర్స్‌ అమ్మకాలు గణనీయంగా పడిపోవడం వెనకున్న కారణం కనిపెట్టారా?’’ కోపంగా అడిగాడు యజమాని.
‘‘ప్రతి టూ వీలర్‌తో పాటు టూల్‌ సెట్‌కి బదులు, ఫస్ట్‌ ఎయిడ్‌ బాక్స్‌ ఫ్రీ అనే యాడ్‌ ఇవ్వడం వల్ల’’ నసుగుతూ చెప్పాడు సేల్స్‌మేన్‌.
డబ్బారాయుళ్లు
‘‘మీకోసం గంగాజలంతో కాఫీ చేయించాను. తాగండి’’ చెప్పాడు కోతలరాయుడు.
‘‘అబ్బెబ్బే వద్దు ... నీనిప్పుడే అమృతం తాగి ఇలా వచ్చా’’ బదులిచ్చాడు డాబులరాయుడు.
కంత్రీ మొగుడు
‘‘ఫిల్టర్‌ కాఫీ తయారుచేసుకు వస్తానని వంటింట్లోకి వెళ్లిందా ... గుండె నెప్పి అంటూ కేకేసి కుప్పకూలిపోయింది’’ చెప్పాడు బాబూరావు.
‘‘అయ్యోపాపం .. మీ కష్టం పగాళ్లకైనా రావద్దు. వెంటనే ఏం చేశారు?’’ జాలిగా అడిగాడు సుబ్బారావు.
‘‘ఏం చేస్తాను ... చచ్చినట్టు ఇన్‌స్టెంట్‌ కాఫీ కలుపుకు తాగి, ఆనక అంబులెన్స్‌కి కాల్‌ చేశా’’ చిరాగ్గా చెప్పాడు బాబూరావు.
తేరగొస్తే ...
‘‘తల నెప్పిగా ఉంది ... ఎదురింటాళ్లనడిగి జండూబామ్‌ తీసుకురా’’ పురమాయించాడు భర్త.
‘‘సర్లెండి ... వాళ్లుత్త పీనాసి పీనుగులు ... పిల్లికి బిచ్చం పెట్టరు’’ ఈసడించింది భార్య.
‘‘కాల మహిమ .. చేసేదేముంది, అయితే మన అల్మారాలో ఉన్న జండూబామ్‌ తీసుకురా’’ చెప్పాడు భర్త.
ఆటోజా ... తప్పింది
‘‘నీ కూతురి పేరు అంబుజా ... వెరైటీగా ఉందే’’ ఆశ్చర్యంగా అడిగింది కామాక్షి.
‘‘అంబులెన్స్‌లో పుట్టిందని అలా పెట్టాం’’ గర్వంగా చెప్పింది మీనాక్షి.
‘‘నయం ... ఆటోలో పుట్టలేదు’’ నవ్వింది కామాక్షి.
మిత్రలాభం
‘‘ఒరే శీనూ .. నీటముంచినా, పాలముంచినా నీదే భారం’’ దీనంగా అన్నాడు భాను.
‘‘అంత ఖర్చుపెట్టి పాలు తేలేను కానీ, నీట్లో ముంచుతాలే’’ తాపీగా చెప్పాడు శీను.
మాతృప్రేమ
‘‘మా అమ్మాయిని కొట్టకండి టీచర్‌ .. జ్వరమొచ్చిద్ది’’ చెప్పింది సుబ్బలక్ష్మి.
‘‘అల్లరి బాగా చేస్తే తప్పదు మరి’’ నవ్వుతూ అంది టీచరమ్మ.
‘‘అప్పుడు పక్కమ్మాయిని కొట్టండి. మా అమ్మాయి వెంటనే అల్లరి మానేస్తుంది’’ సలహా ఇచ్చింది సుబ్బలక్ష్మి.
చిట్టి తవిక
శ్రీరామ రక్ష - రేపే పరీక్ష
పూనాను దీక్ష - పాసయితే లక్ష
ఫేలయితే రిక్షా - అదే నాకు శిక్ష!
అంతకంటేనా?
‘‘నేను ఏ ధర్మం చేస్తే ప్రజలు నన్ను గౌరవిస్తారంటావు సెక్రటరీ?’’ అడిగాడు మంత్రి పున్నారావు.
‘‘కాలధర్మమండి’’ ఠపీమని సెలవిచ్చాడు సెక్రటరీ.
అసలంటూ ఉండాలిగా ..
‘‘మనూరి గవర్నమెంటు ఆస్పత్రిలో మెదడువాపు వ్యాధి రాకుండా బిళ్లలిస్తున్నారట .. వెళ్లొస్తాను’’ గడపదాటుతూ చెప్పాడు చెంగల్రావు.
‘‘అవి మెదడున్నోళ్ళకేమోనండి ...’’ వెనకనుండి వినిపించింది భార్య గొంతు.
శాంపుల్‌ చూడండి!
‘‘ఈ ఎలకలమందు బాగా పని చేస్తుందా?’’ అనుమానంగా అడిగాడు వీరగంధం.
‘‘అంత అనుమానమైతే కొంచెం తిని చూడండి’’ అలవాటుగా చెప్పాడు దుకాణం యజమాని.
అద్గదీ సంగతి!
‘‘ఏంటయ్యా సర్వరూ ... అన్నం ఇంత నల్లగా తగలడ్డదేం?’’ కోపంగా అరిచాడు సుబ్బారావు.
‘‘మా ప్రొప్రయిటరు బియ్యాన్ని బ్లాకులో కొన్నారటండి’’ తాపీగా బదులిచ్చాడు సర్వర్‌.
నన్నలా పంచుకున్నారు
‘‘మధ్యాహ్నం అమ్మమ్మ ఇంటికి, సాయంత్రం నానమ్మ ఇంటికి భోజనానికి వెళ్తున్నావెందుకురా?’’ ఆశ్చర్యంగా అడిగాడు బంటి.
‘‘మా అమ్మానాన్న పోట్లాడుకుని వాళ్ల వాళ్ల పుట్టిళ్ళకు వెళ్లారు. అందుకే నాకీ తిప్పలు’’ నిట్టూరుస్తూ చెప్పాడు చంటి.
అఖిల భారత తాగుబోతుల సంఘం డిమాండ్లు
వికలాంగులకు ఇంటికే మందు సప్లయ్‌ చేయాలి.
తెల్ల రేషన్‌ కార్డ్‌ వాళ్లకు సగం ధరకే మందు అందించాలి.
తాగి రోడ్లకు అడ్డంగా పడిపోయిన వారిని ప్రభుత్వం అంబులెన్స్‌ ద్వారా ఇంటికి భద్రంగా చేర్చాలి.
తాగుబోతులకు సమాజంలో తగిన గౌరవం ఇవ్వాలి. భార్యలు తిట్టకుండా చూడాలి.
మద్యం పైన నిషేధం విధించేముందు మా సంఘంతో సంప్రదింపులు జరపాలి.
మద్యం రాబడివల్లే ప్రభుత్వం నడుస్తోంది కాబట్టి తాగి పోయినోళ్ల అంత్యక్రియల ఖర్చులన్నీ ప్రభుత్వమే భరించాలి.
అలాగే తాగి అనారోగ్యం పాలయినవారికి ఆరోగ్యశ్రీ వర్తింపచేయాలి.
జై తాగుబోతు సంఘం ...
జై జై తాగుబోతు సంఘం
కొత్త వంటకం
‘‘ఆకలి మీదున్నాను .. ఏం కూర’’ క్యాంపు నుండి వస్తూ వాకిట్లోంచే అరిచాడు సుబ్బారావు.
‘‘చికెన్‌ - 20 ’’ చెప్పింది భార్యామణి.
‘‘కొత్త వంటకమా?’’ లొట్టలేశాడు సుబ్బారావు.
‘‘లేదు. వండి 20 రోజులైంది’’ చెప్పింది భార్యామణి.
ఇతరులంటే?
‘‘ఇతరులకు సహాయం చేయడానికే దేవుడు మనల్ని సృష్టించాడట ... ఫాదర్‌ మాథ్యూ చెప్పారు’’ అన్నాడు జాన్‌.
‘‘అవును బాబూ .. ఫాదర్‌ చెప్పింది నిజం. అందుకే మనం ఇక్కడున్నాం’’ చెప్పాడు తండ్రి రాబర్ట్‌.
‘‘కాని ఇతరులు ఇక్కడ ఎందుకు ఉన్నారు డాడీ?’’ సందేహం వెలిబుచ్చాడు జాన్‌.
బద్ధకాల బాబు
‘‘ఒకరోజు వస్తుంది. ఆ రోజు తినడానికి తిండి దొరకదు. తాగడానికి మంచినీళ్లు దొరకవు. పెట్రోల్‌, డీజిల్‌, కరెంట్‌ .. అన్నీ అంతమవుతాయి. జనాలు ఒకర్నొకరు కొట్టుకు చస్తారు. ప్రపంచం సర్వనాశనం అవుతుంది ... ఇదే జరిగితే ఎలా ఉంటుందో ఊహించుకోండి’’ మీటింగులో చెప్పాడు యజమాని.
పిన్‌డ్రాప్‌ సైలెన్స్‌ మధ్య ‘‘ఆ రోజు కూడా ఆఫీసుకు రావాలా సార్‌?’’ ఆవలిస్తూ ప్రశ్నించింది ఒక స్వరం.