తనకుమాలిన ధర్మం

అనగా అనగా ఒక రాజుగారు. ఆ రాజుగారికి ఏడుగురు కొడుకులు వేటకెళ్ళి ఏడు చేపలు తెచ్చేరు. ఏడు చేపలు తెచ్చి ఎండబెట్టేరు. వాటిలో ఒక చేప ఎండలేదు. “వన్నెల చిన్నెల వగలాడి చేపా? ముచ్చటయిన ఓ ఏడవ చేపా ? ఎందుకు ఎండలేదే” అని అడిగాడు ఏడవ రాకుమారుడు“రాజ్యమేలే రాజుకు మురిపెము గూర్చే ముద్దుల కొడుకా! ఓ బుట్టి రాకుమారా! గడ్డి నాకు చాటొచ్చింది అందుచేత నేను ఎండలేదు” అన్నది చేస “హౌరా! హౌరా ఓ గడ్డిమోపా! చేపకు 'చాటిందుకొచ్చావే” అని అడిగాడు. “ధరణిని పాలించే ప్రభువుకు ముద్దుల కొడకా! ఆవు నన్నుమేయలేదు ఆవా ఆవా ఎందుకు నువ్వు గడ్డిమెయ్యలేదు?” అని అడిగాడు. “అరుగురన్నల అందాల తమ్ముడా! మమ్మేలు రాజులు ఆఖరి కొడుకా! గొల్లవాడు నాకు మేతెయ్యలేదు” అంది. “గొల్లా! గొల్లా పాలు పెరుగులు మాకిచ్చేటి గొల్లా! ఆవుకు మేతెందుకు వెయ్యలేదు” అన్నాడు. "ఓ రాజకుమారా! రాజుగారి చిన్నోడా అవ్వ నాకు బువ్వ పెట్టలేదు” అన్నాడు. "ఏమి అవ్వ గొల్లకు బువ్వ పెట్టలేదేమే” అన్నాడు చిన్నరాజు. "నా చిన్న మనవడు ఏడుస్తుంటే ఊరుకో బెడుతున్నాను బాబు” అంది "యేరా మనవడా! ఆకతాయి మనవడా! ఎందుకేడుస్తున్నావురా? అనడిగాడు రాకుమారుడు. "చీమకుట్టి నేనేడుస్తున్నాను. ఓ బుల్లి రాజా" అన్నాడు. “ఏమే చీమా ఎందుకే కుట్టేవు” అని రెట్టించి అడిగాడు ఏడవ కుమారుడు. “నా బంగారు కన్నంలో వ్రేలు పెడితే కుట్టనా” అంది చీమ

తనకు మాలిన పనులు చేస్తే ఊరువాడా అందరికీ పని చెరుపే ఔతుంది.