సంకల్ప బలం

స్వర్ణతంత్ర రాజ్యాన్ని విక్రమ సింహుడు పాలించిన కాలంలో రామయ్య, సోమయ్య అనే అన్నదమ్ములు ఉండేవారు. వీరి మధ్య తీవ్రమైన పోటీ ఉండేది. రామయ్య వ్యవసాయం చేస్తే సోమయ్య కూడా అదే చేసేవాడు. వ్యాపారంలో కెలితే తాను అదే చేసే వాడు. ప్రతిచోటా అన్నకు పోటీగా పని చేసేవాడు. ఇద్దరూ వేరే వేరే వృత్తులు చేసుకుని, నాలుగు డబ్బులు సంపాదించుకుందామనుకుని రామయ్య ఎన్నోసార్లు తమ్ముడికి నచ్చచెప్పే ప్రయత్నం చేసాడు. అయినా సోమయ్య వినిపించుకోలేదు. తమ్ముడికి బుద్ధి చెప్పాలని రామయ్య నిశ్చయించుకున్నాడు.

తన పొలంలో పండిన ధాన్యాన్ని పేదలకు వండడం మొదలుపెట్టాడు. రామయ్య ఇంట్లో రోజుకు కనీసం వంద మంది దాకా భోజనం చేసేవారు. తాను కూడా అన్నలాగా అన్నదానం చేయాలని సోమయ్య అనుకుని వ్యవసాయం చేయడానికి ప్రయత్నించాడు. కానీ పొలంలో ధాన్యం చాలా తక్కువగా పండింది. తన భార్యా పిల్లలకే ఆ ధాన్యం సరిపోతాయి. అన్నలాగా తానూ వ్యవసాయం చేసినా, ధాన్యం ఎలా పండలేదో అర్థం కాలేదు. అర్థం అడగాలంటే సోమయ్యకు అహంకారం వచ్చిందని. అప్పడు తన బంధువులంతా అన్నయ్య ఇంటికి వెళ్ళి, అక్కడే బస చేసేందుకు ఉన్నారు. తిరిగి తమ ఊళ్లకు వెళ్లినపుడే, వెళ్లేప్పుడు తనను చూసి వెళ్ళిపోతున్నారు. ఇది తనకు అవమానంగా భావించాడు సోమయ్య. చివరికి తన అన్ననే విషయం అడగాలని వెళ్లాడు. తానూ అన్నదానం చేయాలనుకుంటున్నాను, అందుకు ఏం చేయాలో చెప్పండి అని అడిగాడు.

"ఇందులో రహస్యం ఏమీ లేదు తమ్ముడూ.. నేను పోటీ కోసం అన్నదానం చేయాలని అనుకోలేదు. తప్పుదారిలో నడుస్తున్న నిన్ను మార్చాలన్న మంచి నిర్ణయాన్ని తీసుకున్నాను. నేను ఏది చేసినా నువ్వు చేస్తావని తెలుసు. అందుకే, నీవద్ద ధాన్యం లేవని తెలుసుకుని, అన్నదానం ప్రారంభించాను. దేవుని కృప నా పట్ల ఉందో ఏమో, పొలంలో వేసిన విత్తనాలు నాలుగైదు రెట్లు పండాయి. నువ్వు నాపై పోటీ చేయడం ద్వారా అన్నదానం చేయాలని అనుకున్నావు. స్వతహాగా నీకు ఆ ఆలోచన రాలేదు. మన ఆలోచన మంచిదైతే, మంచి జరగుతుంది. దైవం కూడా సహాయం చేస్తాడు. ఇప్పటికైనా నీలో మార్పు వస్తే అంతే చాలు." అని బుద్ధిచెప్పాడు.

సంకల్పం మంచిదైతే అంతా మంచే జరుగుతుందని గ్రహించాడు. అప్పటి నుంచి పోటీపడడం మానుకున్నాడు సోమయ్య. పది గేదెలను కొని పాలు, పెరుగు దానం చేయడం మొదలుపెట్టాడు. అన్న చెప్పినట్లే మంచి నిర్ణయం తీసుకున్నందువల్ల గేదెలు పాలను ఎక్కువగా ఇచ్చేవి. అలా దానధర్మాలు చేస్తూ ప్రజలతో దగ్గరయ్యాడు. తమ్ముడిలో వచ్చిన మార్పు రామయ్య సంతోషించాడు.

కథ యొక్క నీతి: సంకల్పం మంచిదైతే, దైవకృపతో అన్ని మంచి ఫలితాలు రావు.