మెదడులేని సింహం

ఒక అడవిలో గుహలో మునలి సింహం నివసిస్తోంది. ఒకసారి దాని కాలికి గాయమవటంతో నడవలేకపోయింది. దాంతో వేటాడి జంతువుల్ని తినలేకపోయింది. ఆ సింహానికి ఓ మెరుపులాంటి ఆలోచన వచ్చింది. రోజుకొక జంతువుకు మాయ మాటలు చెప్పి తన వద్దకు ఆహారంగా తీసుకురావటానికి తెలివైన మంత్రిని నియమించాలనుకున్నది. నక్క బావను తన మంత్రిగా నియమించుకుని రోజుకో జంతువును తన వద్దకు తీసుకురమ్మని పురమాయించింది. మొదట గాడిదను తోలుకు రమ్మని ఆదేశించింది. గాడిద మెదడు తినాలని ఎప్పట్నుంచో కోరికగా వున్నట్లు సింహం చెప్పింది. నక్క బావ అడవంతా వెదకి సాయంత్రానికల్లా ఒక గాడిదను మాయమాటలు చెప్పి సింహం వద్దకు తోలుకుని పోయింది. గాడిదను చూడగానే సింహం దానిపైవడి'చంపేసి మెదడు తినబోయింది. నక్కబావ క్కూడా ఎప్పట్టుంచో గాడిద మెదడు తినాలన్న కోరిక వుంది.సింహానికి మాయ మాటలు చెప్పి తన కోరిక తీర్చకోవాలనుకుంది.

సింహం గాడిద తల పగలగొట్టగానే నక్క కలగజేసుకుని “మృగరాజ ! నీ ఒంటిపై రక్తం వడింది స్నానం చేయకుండా ఎలా తింటావు. ప్రక్కనే వున్న కొలనులో స్మానం చేసి వచ్చి తిను” అంది. నక్క మాటలు విని సింహం కొలనులోకి వెళ్ళింది. అది వచ్చేలోగా .

నక్కబావ గాడిద మెదడును తినేసింది. సింహం వచ్చి ఎంత వెతికినా మెదడు కన్పించలేదు. “ఎవరైనా ఇటువైపు వచ్చి గాడిద మెదడు తిన్నారా? అని నక్కను ప్రశ్నించిమది.

నక్కబావ మేకపోతు గాంభీర్యాన్ని ప్రదర్శిస్తూ “మృగరాజ! మీరు చంపిన గాడిద ఒక బుద్ధి హీనమైన జంతువు. బుద్ధి హీనులకు మెదడుండదు. కారణంగా గాడిదకు మెదడు లేదు” అని చెప్పింది.

నక్కమాటలు విన్న సింహం నిజమేనని నమ్మి గాడిద దేహన్ని భుజించసాగింది. నిజానికి మెదడులేనిది సింహానికేనని తెలిసి నక్క ముసి ముసిగా నవ్వుకుంటూ మరో జంతువుకు మాయ మాటలు చెప్పేటందుకు బయల్దేరింది.