గంప కింది కోళ్ళు

చిట్టెయ్య అనేవాడు చింత బరికె తీసుకుని పదేళ్ళ కొడుకు వీపు మాద కొడుతూ కేకలు పెడుతున్నాడు. ఆ దారిన వెళ్తున్న ధర్మయ్య అనే వ్యక్తి అదిచూసి చిట్టెయ్యను సమీపించి 'చింతబరికె లాక్కుని “చిన్న పిల్లవాడ్ని ఎందుకలా కొడుతున్నావ్‌?” అని నిలదీశాడు.

“అయ్యా! మీకేం తెలియదు తప్కోండి. గంపక్రింది కోళ్ళని బయటకి వదలొద్దురా అని ఎన్నిసార్లు చెప్పిన వీడు వినడు" అన్నాడు:చిట్టెయ్య కొపంగా ఊగిపోతూ.

పిల్లవాడు గంపత్ది క్రింది కోళ్లను వదిలేస్తే ఇప్పుడెమయింది ? ఏ గద్దో తన్నుకు పోవ డమో, కుక్క ఏదైనా నోట కర్చుక పోవడమో జరిగిందా?” అని అడిగాడు ధర్మయ్య.

“అలాంటిదేం జరగలేదు బాబూ! చింతబరికె ఇటివ్వండి” అని కొడుకుకేసి గుడ్లురిమి చూశాడు చిట్టెయ్య.

ధర్మయ్యకు చిట్టెయ్య మాటలు మరీ అసందర్భంగా తోచి "చిట్టెయ్యా! కాస్త శాంతపడు. మేతమేసినాక కోళ్ళు నీ ఇంటిని వెతుక్కుంటూ అవే తిరిగివస్తాయి కదా! మరెందుకీ పిచ్చికోపం?” అన్నాడు.

“అన్నీ ఎలా తిరిగివస్తాయి? వాటిల్లో రెండే నావి. మిగతావి దేని యజమాని ఇంటికి అవి పోతాయి” అన్నాడు చిట్టెయ్య'

ఆ జవాబుతో చిట్టెయ్య వద్ద అసలు సంగతి తెలుసుకున్న ధర్మయ్య “అదా అసలు రహస్యం! ' ఈ మధ్య ఊళ్ళో వాళ్ళ కోళ్ళతోపాటు నావీ కొన్ని కనబడకుండా పోయాయి. పద గ్రామాధికారి దగ్గరకు! ఈ చింత బరికె నీ వీపు మోద ఎన్ని దెబ్బలకు విరిగిపోతుందో ఆయనే చూస్తాడు” అంటూ చిట్టెయ్యను గ్రామాధికారి వద్దకు లాక్కుపోయాడు.