బహుమతికి కారణం

శివరానుపాలెం జమిందారు భూవతిరాయుడు, ఒక ఏడాది తన పుట్టినరోజు సందర్భంగా ఒక సాహితీ పోటీ ఏర్పాటు చేశాడు. ఆ పోటీ ఏమిటంటే - పరమ శివుడిపైన ఒక గంటలో వంద పద్యాలను ఆశువుగా చెప్పాలి. విజేతకు సరస్వతీ పుత్ర బిరుదుతోపాటు, వెయ్యి వరహాలు బహుమతిగా ఇస్తానని ఆయన ప్రకటించాడు.

ఆ పోటీలో రజనీచంద్ర అనే పాతికేళ్ళ యువకుడు, నారాయణా చార్యులు అనే ఒక ఎనభై ఏళ్ళ వ్యద్ధుడూ సమ ఉజ్జీలుగా నిలిచారు. జమిందారు ఎవరిని విజేతగా నిర్ణయిస్తారో నని నభలోనివారంతా అతృతగా చూడసాగారు.

జమోందారు కొద్దిసేపు ఆలోచించి, నారాయణాచార్యులు పోటీలో విజేతగా ప్రకటించాడు. ఆయనకు బిరుదు, సన్మానాలతోపాటు వెయ్యి వరహాలు బహుమతి కూడా ఇవ్వబడింది. సభ ముగిశాక దివాను, జమాందారును పోటీలో రజనీచంద్రకాక, నారాయణా చార్యులు నెగ్గినట్లు ప్రకటించడానికి ఏదైనా ప్రత్యేక కారణం వున్నదా? అని అడిగాడు. అందుకు 'జమీందారు *లేకేం దివాన్‌జీ! రజినీచంద్ర యువకుడు. ఈ ఏడాది కాకపోయినా వచ్చే ఏడాది అప్పుడు కాకపోతే ఆ పై ఏడాది పోటీలో పాల్గొని నెగ్గే అవకాశం వుంది. పోతే, ఏ క్షణమైనా రాలిపోవటానికి సిద్ధంగా వున్న పండుటాకు వంటివాడు నారాయణా చార్యులు .! ఇప్పడు తప్పిపోతే ఆయన విద్వత్తును సన్మానించుకునే అదృష్టం వచ్చే ఏడాది మనకు దక్కకపోవచ్చు కదా!” అన్నాడు.